NU академиялық мектептері заманауи аудиториялары, оқу кеңістіктері мен зертханалары бар жеке ғимараттарда орналасқан. Бұл инфрақұрылым студенттерге жоғары сапалы зерттеулер жүргізуге, шығармашылық қабілеттерін дамытуға және бірлесіп жұмыс істеуге мүмкіндік береді.

Озық ғылыми-зерттеу зертханалары — Core Facilities — зерттеушілер мен студенттерге ғылыми және технологиялық салаларда кеңінен қолданылатын жаңа құрылымдар мен құрылғыларды әзірлеуге қолдау көрсетеді.

«Саясаттану және халықаралық қатынастар» бағдарламасының екінші курс студенті Джулианмен бірге кампусқа саяхат жасап, мектептер мен зерттеу зертханаларының NU-дағы академиялық өмірді қалай байытатынын көріңіз.

Еуразияның жүрегінде орналасқан Nazarbayev University халықаралық профессор-оқытушылар құрамы мен озық зерттеу инфрақұрылымының қолдауымен әлемдік деңгейдегі білім ұсынады. NU — Орталық Азия мен Кавказдағы №1 университет және Times Higher Education World University Rankings рейтингі бойынша жақында әлемнің 401+ үздік университетінің қатарына енді.

Әлемнің түкпір-түкпірінен келген студенттердің белсенді халықаралық қауымдастығына қосылыңыз, инновациялық білім беру бағдарламаларын зерттеңіз және әлемнің кез келген жерінде көшбасшы болуға әрі маңызды өзгерістер жасауға мүмкіндік беретін жаңа мүмкіндіктерді ашыңыз.

NU-дағы жолыңызды дәл қазір бастаңыз — apply.nu.edu.kz

Kazakh Tourism және Visit Astana ұйымдарына ерекше алғыс білдіреміз.

Nazarbayev University — Орталық Азия мен Кавказдағы әлемдік деңгейдегі білім беруді, озық зерттеулерді және белсенді халықаралық қауымдастықты заманауи академиялық ортада біріктіретін жетекші университет. Халықаралық аккредитацияға ие және академиялық жетістіктерімен танылған NU бакалавриат, магистратура және докторантура деңгейлерінде 80-нен астам білім беру бағдарламасын ұсынады.

Университеттің бірегей білім беру ортасы мен мазмұнды студенттік өмірі түлектерді қарқынды өзгеріп жатқан әлемде көшбасшы болуға дайындайды. Өңірде жаңа стандарттар қалыптастырып, әлемнің жетекші компанияларында мансап құруға жол ашатын университетті таңдап, келесі қадамыңызды дәл қазір жасаңыз.

Nazarbayev University-ге apply.nu.edu.kz сайты арқылы өтінім беріңіз.

Біздің геология мамандығының студенттерімен бірге Қазақстандағы қызықты дала жұмыстарына аттаныңыз. Бұл қысқа бейнероликте олардың шынайы жағдайдағы геологиялық зерттеулерде қолданылған тәжірибелік оқуы бейнеленген. Табиғи ландшафттарды зерттеуден бастап үлгілер жинауға дейін болашақ геологтар өздерінің білімін тереңдетуге баға жетпес тәжірибе жинады.

Диляра Сагандыкова – «Мұнай-газ ісі» мамандығы бойынша оқитын бакалавриат студенті. Бұл қысқа видеода ол өз зерттеу жобасы туралы әңгімелеп, тақырыпты таңдаудағы себептерін және оның саланың дамуына тигізер маңыздылығын бөліседі. Диляра болашақ энергия инженериясы мен технологияларын дамытуға үлес қосуды мақсат етеді.

Тамаша оқытушылар мен қолдау және көп қырлы қоғамдастық - NU-ды сүюдің көптеген себептерін бірі деп санайды біздің студентіміз Ақбота Қайрат

Ақбота NU Тау-кен ісі және Жер туралы ғылымдар мектебінде @nu_smg геология мамандығы бойынша оқиды. «Мұнда мен осы оқу саласын таңдауыма шабыттандырған тамаша профессорды кездестірдім. NU адамдары өте ашық және көпшіл. Осында жүзден астам студенттік клубтар және пікірлес адамдармен тәжірибе алмасуға болатын тұрақты шаралар бар», - деп бөлісті Ақбота.

Қазан айының басында студенттер тобы 1-ші далалық геология курсын (карта жасау және шөгінді геологиясы бойынша далалық мектеп) өтуге шешім қабылдады.

Курс Оңтүстік Қазақстандағы Кіші Қаратауда өтті. Студенттер 9 күн бойы жергілікті жердің картасын жасап, жалаңаштанған тау жыныстарын зерттеп, протерозойдан бастап бор дәуіріне дейінгі әртүрлі тау жыныстарын зерделеді. Көптеген геологиялық құбылыстар белгіленіп, талқыланды. Сонымен қатар, студенттер дайындық курстарында алған білімдері мен дағдыларын бай әрі алуан түрлі табиғи шөгінді жыныстардың зертханасында көрсетуге, қолдануға және жетілдіруге тамаша мүмкіндік алды. Жиналған мәліметтер мен бақылауларды геологиялық контексте орналастыру мәселелерді шешу және сыни ойлау қабілеттерін дамытуға ықпал етті.