NU SEDS Назарбаев Университетінің 15 жылдығына орай, 10–11 сәуірде халықаралық ғылыми конференция ұйымдастырды
10-11 сәуірде Назарбаев Университетінің Инженерия және цифрлық ғылымдар мектебінде (NU SEDS) «Орталық Азиядағы инженерия және цифрлық ғылымдар саласындағы зерттеулердің болашағын түрлендіру» тақырыбында екі күндік халықаралық конференция өтті. Бұл іс-шара университеттің 15 жылдығын атап өту аясында ұйымдастырылды.
Конференцияның басты мақсаты — Қазақстан ғылымына қосқан үлесін көрсету және еліміздегі ғалымдардың ғылыми жетістіктерін халықаралық деңгейде таныстыру. Оған еліміздің ғана емес, әлемнің жетекші ғалымдары мен зерттеушілері қатысты.
Іс-шараны Назарбаев Университетінің Президенті, профессор Вакар Ахмад, Инженерия және цифрлық ғылымдар мектебінің деканы Елизавета Архангельская мен ғылым бойынша вице декан Шазим Мемон салтанатты сөзбен ашты. Олар екі күнге созылған ғылыми бағдарламаның маңызды әрі мазмұнды болатынына сенім білдірді.
Конференцияға Канада, Қытай, Франция, Үндістан, Ұлыбритания мен БАӘ сияқты елдерден келген ғалымдар қатысты. Олар әртүрлі ғылыми бағыттарда соңғы жетістіктерін таныстырды.
Бірінші күні болған пленарлық сессияларда Канаданың экологиялық радиобайланыс жобасының жетекшісі, профессор Фадель М. Ганнучи интеллектуалды сымсыз жүйелер мен телекоммуникациядағы жаңа жетістіктер жайында баяндады. Қытайдың Сучжоу университетінің профессоры Хонг Чен медицинада беткі қабаттарды модификациялау технологияларын қолдану туралы айтып өтті.
Түстен кейінгі сессияда Франциядан келген инженер-зерттеуші Мулей-Тахар Суграти электромобильдерге арналған LFP батареяларын қайта өңдеудің тұрақты технологиялары туралы сөз қозғады. Үндістанның Тапар институтының деканы Рафат Сиддики өндірістік қалдықтардан экологиялық бетон жасау тәсілдерімен таныстырды.
Келесі күнгі пленарлық сессияда Ұлыбританиядағы Лидс университетінің профессоры Шейн Си инсульттан кейінгі оңалтуда робототехниканың қолданылуы туралы баяндады. Кореяның Седжон университетінің профессоры Сын-Тхэк Мён натрий-ионды батареялар туралы айтып, олардың энергия сақтау жүйелеріне қосқан үлесін атап өтті. Конференцияның пленарлық сессиясын БАӘ-нің Шарджа университетінің профессоры Салах Хариди инженерия саласындағы жаңа бағыттар туралы ақпаратпен аяқтады.
Сонымен қатар, конференцияның бірінші күні вице декан, профессор Шазим Мемонның ғылыми жазбаларда генеративті жасанды интеллекттің рөліне арналған арнайы дәрісімен жалғасты.
SEDS Voices сессиясы аясында мектептегі 6 кафедраның 6 профессоры өз салалары бойынша негізгі зерттеулерін таныстырды:
Асма Первин (механикалық және аэроғарыштық инженерия) — электроэрозионды өңдеудің эволюциясы мен дәлдік өндірісіндегі қиындықтар жайында;
Анар Сандығұлова (робототехника) — аутизм терапиясында әлеуметтік роботтардың рөлі туралы;
Марко Ристин (компьютерлік ғылымдар) — машиналық оқыту мен бағдарламалық инженерияның Индустрия 4.0 саласындағы синергиясы;
Даниэле Тоси (электротехника және компьютерлік инженерия) — медицинадағы оптикалық талшықты биосенсорлар;
Абид Надим (құрылыс және экологиялық инженерия) — Қазақстандағы модульдік құрылыс және циклдік экономика принциптері;
Алмагүл Ментбаева (химиялық инженерия) — сутегі энергетикасы мен жаңа материалдарды зерттеу.
Конференцияда мектептің 5 зерттеу бағыттары — энергетика, материалдар және тұрақты даму, байланыс және деректерді талдау, қала ортасының тұрақтылығы, робототехника мен жасанды интеллект, инновациялық технологиялар бойынша 58 ғылыми жобаның постерлік көрмесі өтті.
3MT® (Three-Minute Thesis) конкурсы конференцияның жарқын сәті болды. Бұл байқауда докторанттар үш минут ішінде өз зерттеулерін кең аудиторияға таныстырды. Осы байқауда Шыңғыс Арыстанбеков (механикалық және аэроғарыштық инженерия) «Дрондардың шуды төмендету үшін роторлар фазасын модуляциялау» тақырыбымен жеңіске жетті. Екінші орынды және Көрермендер таңдауы сыйлығын Мақпал Рахатқызы (химиялық инженерия) «Қазақ фермаларының қалдықтары — инженерлік пластиктерге» тақырыбымен жеңіп алды.
Сондай-ақ, конференция барысында ғылыми жетістіктері үшін 15 үздік студентке SEDS Research Award марапаты табысталды. Бұл марапат мақалалары академиялық журналдардың топ-10% қатарынан орын алған бакалавриат пен магистратура деңгейінде оқитын студенттерге берілді. Сыйлық студенттің бірнеше жоғары рейтингті мақаласы болса да, тек мақаланың бірінші авторына ғана тапсырылды.Төменде марапатталған студенттердің тізімі мен олардың жарияланымдары туралы қысқаша мәлімет ұсынылған.
Кашиф Назир Журнал: Applied Energy (2024) Мақала: «Фазалық өтпелі материалдармен жабдықталған ғимараттардың энергия тұтынуын болжаудың жаңа моделі» Сілтеме көрсеткіші: 21.2 | Рейтинг: 1/223 (Top 1%)
Мариям Абсалямова Журнал: Chemosphere (2024) Мақала: «ZIF-67 құрылымының карбонизациясының биметаллды катализатордың нитраттарды су арқылы қалпына келтірудегі активтілігі мен таңдамалылығына әсері» Сілтеме көрсеткіші: 15.8 | Рейтинг: 11/665 (Top 2%)
Айжан Рахманова Журнал: Sensors and Actuators: B. Chemical (2025, қабылданды 2024) Мақала: «PVA/PEDOT:PSS негізіндегі ZnO нанофибрлы композиті арқылы аммиакты таңдамалы және тиімді анықтау» Сілтеме көрсеткіші: 14.6 | Рейтинг: 3/141 (Top 5%)
Макпал Рахатқызы Журнал: Chemical Engineering Journal (2024) Мақала: «Эвтектикалық еріткіштерді пайдаланып, микротолқынды және ағынды технология арқылы биомассадан 5-гидроксиметилфурфуролдың инновациялық синтезі» Сілтеме көрсеткіші: 21.7 | Рейтинг: 8/384 (Top 10%)
Шабнам Явари Журнал: Energy & Environmental Materials (2025, қабылданды 2024) Мақала: «ПВХ/ZnO нанофибр негізінде ПВХ құбырларының қалдықтарын трибоэлектрлік наногенераторларға қайта өңдеу» Сілтеме көрсеткіші: 17.6 | Рейтинг: 4/261 (Top 5%)
Нұрболат Исатаев Журнал: Carbon (2024) Мақала: «Төмен температурада литий-ионды батареялар үшін LiF-модификациясымен қызыл алап финиктерінің тұқымдарынан алынған анодты материал» Сілтеме көрсеткіші: 20.8 | Рейтинг: 18/463 (Top 10%)
Жанболат Артық Журнал: Construction and Building Materials (2024) Мақала: «Гибридті талшықтармен қосылған күл мен шлак негізіндегі геополимерлі композиттерді жасау» Сілтеме көрсеткіші: 13.8 | Рейтинг: 13/379 (Top 10%)
Дінмұхаммед Мұқашев Журнал: IEEE Transactions on Robotics (2025, қабылданды 2024) Мақала: «E-BTS: қосымша шындықтағы телеприсутствие үшін оқиғаларға негізделген тактильді сенсор» Сілтеме көрсеткіші: 14.9 | Рейтинг: 38/797 (Top 5%)
Лунара Рахымбай Журнал: Journal of Power Sources (2024) Мақала: «Натрий-ионды батареяларға арналған биологиялық қалдықтардан жасалған қатты көміртекті анодтар: қазіргі күйі мен болашағы» Сілтеме көрсеткіші: 16.4 | Рейтинг: 33/797 (Top 5%)
Хамад Хассан Аван Журнал: International Journal of Disaster Risk Reduction (2024) Мақала: «Зілзалаларға шұғыл әрекет ету үшін GIS-платформа: Антакия мен Қахраманмараш (Түркия) мысалында» Сілтеме көрсеткіші: 8.7 | Рейтинг: 18/321 (Top 10%)
Аида Эдуард Журнал: Internet of Things (2024) Мақала: «Қашықтағы аймақтарда қауіпсіздікті арттыру үшін пойыздың келуін ескерту жүйесі» Сілтеме көрсеткіші: 8.5 | Рейтинг: 10/133 (Top 10%)
Құлаш Талапиден Журнал: IEEE Access (2024) Мақала: «Цифрлық қадағалаушы: тұрақты магниттері бар қозғалтқыштар жүйесі үшін дискретизацияларды салыстыру» Сілтеме көрсеткіші: 9.8 | Рейтинг: 23/307 (Top 10%)
Сәтжан Асқаров Журнал: IEEE Open Journal of the Communications Society (2025, қабылданды 2024) Мақала: «60 ГГц жиілігінде сигналдардың таралуын өлшеу және модельдеу: ішкі ортада, көшеде және қатаң қыс мезгілінде» Сілтеме көрсеткіші: 12.0 | Рейтинг: 21/395 (Top 10%)
Жасұлан Тұрар Журнал: Global Challenges (2024) Мақала: «Пьезо- және трибоэлектрлік наногенераторларды жақсарту үшін пористік құрылымдарды жасау: шолу» Сілтеме көрсеткіші: 8.7 | Рейтинг: 13/171 (Top 10%)